جميع الشروط و المعلومات بخصوص الترشح للباكلوريا احرار 2023
الا كنتبي باغي ترشح الباكلوريا الاحرار 2023 خصك تشوف هاد الموضوع
في هاذ الموضوع ساقوم بشرح جميع التفاصيل بخصوص الترشح للبالكلوريا احرار
2023 مع الشروط والوثائق نظرا لكثير من
التساؤلات حول هدا الموضوع .
ملاحظة : هذه المعلومات حسب مذكرة الوزارية للترشح للباكلوريا أحرار 2022 أي
جديد بخصوص هذا الموضوع سيتم توضيحه بعد صدور مذكرة الوزارية للترشح للباكلوريا أحرار
2023
الشروط
اول تساؤل هو شنو هي الشروط الترشح للباكلوريا احرار
غادي نوضح واحد نقطة مهمة غادي نمشي معاكم مرحلة بمرحلة
الا كان عندك مستوى الثالثة اعدادي (مكمل عام العام نجحتي او منجحتيش) ممكن
ترشح الباكلوريا احرار ولكن كاين شرط الا
نتا باغي ترشح باك حر 2023 خصك تكون قريتي الثالثة اعدادي في 2020 بمعنى خص تكون
جلستي عامين
ما قريتيش الاعدادي، هنا غادي دوز امتحان الثالثة اعدادي احرار وضروري أسيدي
تنجح فيه، وتصبر عامين والعام الثالث سير دوز الباك احرار
في حالة عندك نيفو باك ممكن ترشح باك حر مباشرة
في حالة شديتي باك
رَاه عندك الحق دوز الباك حر في جميع الشعب والمسالك الا الشعبة اللي نجحت فيه
سابقا، ما عندكش الحق تعاود تسجل فيها من جديد مثلا (خديتي باك في علوم فزيائية
معندكش حق ترشح فيها تختار شعبة اخرى او مسلك اخر (علوم رياضية-علوم-حياة و
الارض-علوم اقتصادية –علوم الانسانية –اداب...)
الا تسجلتي باك حر ولكن ما حضرتيش نهار الامتحانات، هنا خاصك ضروري دير شهادة طبية باش تحمي راسك وتدفعها
أيام الدورة العادية وتعاود شهادة اخرى جديدة وتدفعها ايّام الاستدراكية لمدير مركز الامتحان، وهكذا غادي يكون
عندك الحق دوز العام اللي موراه
ولكن انا ما حضرتش الامتحانات وبلا
شهادة طبية بلا مبرر ، هنا يا سيدي عندك عقوبة عامين ما غاديش دوز ، وحتى العام الثالث
عاد عندك الحق ف الترشح للباك احرار
انا دوزت ولكن كل مرة تنسقط
يا سيدي عندك الحق دوز ثلاثة المرات متابعين وخا تسقط
ولكن ف المرة الثالثة هي الفرصة الاخيرة الى سقطت فيها عندك عقوبة سنتين ما
غاديش دوز، وف العام الثالث غادي تبدا من جديد ثلاثة الفرص جديدة لعل وعسى يجيب الله
التيسير ف شي وحدة فيهم
التسجيل
اوا اجراء باش تسجيل في الباكلوريا احرار خصك ضروري تسجل في البوابة
الالكتروني :
بعد عملية التسجيل ستقوم باستخراج فيها
التسجيل (2 نسخ) و الالتزام ديال الغش ضروري
من عملية مصادقة (ايكاليزي)الالتزام فالمقاطعة .
ملاحظة : ملي غادي تعمرو استمارة ترشح للباكلوريا احرار غادي تلقاو واحد
خانة بخصوص اختبار ديال تربية البدنية في حالة وافقتي تلعب الرياضة خصك تحظر يوم
اللي غادين حدو فيه موعد ديال الاختبار باش دوز الاختبار ديال تربية البدنية في
حالة محظرتيش بدون مبرر سيتم حرمانك من الاختبار الجهوي ووطني
اما في حالة مبغيتيش دوز اختبار التربية البدنية عمرتي في استمارة لا فضروري من شهادة طبية لغادي
دفعها مع ملف اللي غادي تحطو في نيابة تعليم
من بعد كاتمشي المكتبة كاتشري الملف الابيض هو معروف خاص بالباكالوريا احرار
ثمن ديالو جوج دراهم
من بعد كتاخد الصفحة الاولى ديال الملف فيه واحد البلاصة سميتها طلب الترشيح
داك الطلب كاتعمرو نتا بالمعلومات الشخصية ديالك ، من بعد كاتقلب الصفحة ديال الملف
كاتلقا
شهادة الانقطاع ، ديك شهادة الانقطاع
كاتديها لاخر اعدادية او اخر ثانوية قريتي فيها تما كايعمرها لك المدير ديال المؤسسة
وكاتعطيه واحد الصورة ديالك يلصقها فالملف ويكاشي عليها ، والناس لي خداو تاسعة حرة هما كايخليو ديك شهادة
الانقطاع خاوية تال النيابة كايعمروها تما من بعد كاتلقى فالملف واحد البلاصة سميتها
موجز من رسم الولادة او عقد الازدياد
، هاديك كاتعمرها فالمقاطعة لي مسجل فيها اي المقاطغة لي كاتصايب فيها عقود الازدياد
، وكاينة واحد الخانة فالملف سميتها شهادة مدرسية هاديك مكاتعمرها ماوالو كاتخليها
خاوية ، صافي هانتا عمرتي الملف ديالك .
من بعد ماكاتعمر الملف خاصك تجمع شي
وثائق ، هاد الوثائق هما :
* نسختين من وصل
التسجيل ( هادوك لي خرجتي من السيت ملي تسجلتي )
* التزام بالغش مصادق
عليه ( داك الالتزام تاهو خرجوا وكاليزيتيه فالمقاطعة )
* صورة شخصية او
صورتين ( كاينين نيابات كايطلبو صورك وحدة كاينين كايطلبو جوج ، نتا دي معاك جوج تصاور
وتهنا )
* نسخة من البطاقة الوطنية
* أظرفة متنبرة ( هاد الاظرفة كاينين نيابات كايطلبوهم وكاينين
نيابات مكايطلبوهومش ، نتا شوف الاعلان ديال النيابة ديالك الا طلبوهم ديهم معاك كاتكتب
فيهم الاسم ديالك والعنوان ديالك
)
* شهادة طبية في حالة عدم رغبتك في
الاختبار التربية البدنية
* شهادة السكنى ( هاد شهادة
السكنى ماشي كولشي كايديرها ، كايديروها فقط الناس لي بغاو ترشحوا في شي مدينة
اخرى للعنوان سكنى مختالف على اللي في بطاقة الوطنية (مثالا نتا ساكن في طنجة و
عنوان سكن اللي في بطاقة وطنية كاين فيه ديال الدار البيضاء)
في هاد الحالة تكون كملتي عملية التسجيل للترشح الباكلوريا احرار معليك غير
توجد راسك الاختبار الجهوي و الوطني (الله وفقكم)
تعليقات
إرسال تعليق